អ្នកស្រី យូ បូរី

Human Resources Consultant | KPI Specialist | Career Development Coach | Founder of Talent Excellence Development Partner Co., Ltd

---

អ្នកស្រី យូ បូរី គឺជាស្ថាបនិក និងជានាយកប្រតិបត្តិនៃក្រុមហ៊ុន Talent Excellence Development Partner Co., Ltd និងទទួលខុសត្រូវចំពោះយុទ្ធសាស្ត្រប្រឹក្សាយោបល់ចាប់ពីឆ្នាំ 2016 រហូតមកដល់បច្ចុប្បន្ន។ អ្នកស្រី ធ្លាប់ជាអ្នកដឹកនាំជើងចាស់នៅក្នុងវិស័យធនាគារអស់រយៈពេលជាង 16 ឆ្នាំ និងមានជំនាញច្បាស់លាស់ក្នុងការគ្រប់គ្រងធនធានមនុស្ស និងការគ្រប់គ្រងការអនុវត្ត។ អ្នកស្រីក៏ជាប្រធាននាយកដ្ឋានសវនកម្មផ្ទៃក្នុង និងជាអ្នកសម្របសម្រួលកម្មវិធីអភិវឌ្ឍន៍ភាពជាអ្នកដឹកនាំសម្រាប់ធនាគារកាណាឌីយ៉ា ភីអិលស៊ី ដែលជាគ្រឹះស្ថានហិរញ្ញវត្ថុឈានមុខគេនៅកម្ពុជា។ អ្នកស្រី យូ បូរី បានដើរតួយ៉ាងសំខាន់នៅក្នុងកម្មវិធីអភិវឌ្ឍន៍ទេពកោសល្យនិយោជិតឈានមុខគេ និងការរៀបចំផែនការជោគជ័យសម្រាប់គ្រប់នាយកដ្ឋានទាំងអស់នៅក្នុងធនាគារកាណាឌីយ៉ា ភីអិលស៊ី អ្នកស្រី ក៏មានតួនាទីក្នុងការពិនិត្យមើលរចនាសម្ព័ន្ធស្ថាប័ន និងការរៀបចំគោលដៅការអនុវត្តការងារបស់និយោជិតឲ្យស្របតាមផែនការយុទ្ធសាស្ត្ររបស់ក្រុមហ៊ុន។ បទពិសោធន៍ផ្ទាល់របស់អ្នកស្រី ក្នុងការគ្រប់គ្រងធនធានមនុស្ស និងការគ្រប់គ្រងទេពកោសល្យនិយោជិត និងជួយអតិថិជនក្នុងការរៀបចំផែនការសម្រាប់ការវាយតម្លៃការអនុវត្ត ការផ្ដល់រង្វាន់ ការទទួលស្គាល់ និងកម្មវិធីបណ្តុះបណ្តាលស្របទៅនឹងតម្រូវការ ដើម្បីពង្រីកក្រុមហ៊ុន។ លើសពីនេះទៅទៀត អ្នកស្រី យូ បូរី បានចូលរួមក្នុងសកម្មភាពសង្គមតាមរយៈតួនាទីជាអ្នកដឹកនាំរបស់អ្នកស្រីនៅក្នុង JCI Cambodia ជាប្រធាន JCI Phnom Penh Chapter 2015 ព្រមទាំងជាប្រធានក្រុមប្រឹក្សាភិបាលឆ្នាំ 2016 និងជាអនុប្រធានជាតិនៃ JCI Cambodia។ បច្ចុប្បន្ន អ្នកស្រីជាអនុប្រធានសមាគមសហគ្រិនវ័យក្មេងកម្ពុជា (YEAC) និងជាអនុប្រធាននៃសហព័ន្ធសេវាកម្មអប់រំកម្ពុជា (FESC)។ អ្នកស្រី ក៏ធ្លាប់ជាសមាជិក BOD របស់ CWEA ក្នុងអាណត្តិទី៣ ផងដែរ។ នៅក្នុងបណ្តាញអន្តរជាតិ អ្នកស្រី គឺជាតំណាងប្រទេសនៃសមាគមអភិវឌ្ឍន៍អាជីពអាស៊ីប៉ាស៊ីហ្វិកសម្រាប់កម្ពុជាពីឆ្នាំ 2018-2021 ហើយនៅឆ្នាំ2021 អ្នកស្រី ត្រូវបានតែងតាំងជាអនុប្រធាននៃក្លឹបសហគ្រិនស្ត្រីវ័យក្មេងអាស៊ាន (AYWEC)។ បច្ចុប្បន្ននេះ អ្នកស្រីគឺជាសមាជិកក្រុមប្រឹក្សាភិបាលនៃក្រុមហ៊ុន ខេមម៉ា មីក្រូហិរញ្ញវត្ថុ សមាជិកក្រុមប្រឹក្សាជាតិប្រាក់ឈ្នួលអប្បបរមាសម្រាប់អាណត្តិទី៣ នៃក្រសួងការងារ និងបណ្តុះបណ្តាលវិជ្ជាជីវៈ ហើយអ្នកស្រីក៏ជាសមាជិកក្រុមប្រឹក្សាភិបាលរបស់ CJBI ផងដែរ។ អ្នកស្រីយូ បូរី មានបរិញ្ញាបត្រជាន់ខ្ពស់ផ្នែកហិរញ្ញវត្ថុ និងបរិញ្ញាបត្រគ្រប់គ្រងពាណិជ្ជកម្ម ពីសាកលវិទ្យាល័យជាតិគ្រប់គ្រង រាជធានីភ្នំពេញ។ អ្នកស្រី ជាអ្នកប្រឹក្សាផ្នែកអាកប្បកិរិយា និងអាជីពដែលមានវិញ្ញាបនបត្រ ជាគ្រូបង្វឹកការផ្លាស់ប្ដូរការងារ និងអាជីព និងជាគ្រូបង្វឹកអភិវឌ្ឍន៍ការងារ និងអាជីព។ អ្នកស្រី ក៏ទទួលបាននូវការទទួលស្គាល់ជាអ្នកជំនាញ KPI ដែលទទួលបានវិញ្ញាបនបត្រ ជំនាញគ្រប់គ្រងការអនុវត្ត និងអ្នកជំនាញផែនការយុទ្ធសាស្រ្តពីវិទ្យាស្ថាន KPI ។ អ្នកស្រីមានវិញ្ញាបនបត្រសុវត្ថិភាពអាហារសម្រាប់លំនៅឋាន និងអាជីវកម្មអាហារខ្នាតតូច និងវិញ្ញាបនបត្រវគ្គបណ្តុះបណ្តាលស្តីពីការគ្រប់គ្រងគុណភាពសេវាកម្មក្នុងឧស្សាហកម្មលក់រាយ (ដោយអង្គការផលិតភាពអាស៊ី)។

អ្នកនាង ហ៊ីង គឹមស្រ៊

ប្រធានសេវាកម្មជ្រើសរើសបុគ្គលិក

---

អ្នកនាង ហ៊ីង គឹមស្រ៊ គឺជាប្រធានសេវាកម្មជ្រើសរើសបុគ្គលិក(Career Matching)។ ស្របពេលជាមួយគ្នានោះដែរ អ្នកនាងក៏ជាប្រធានប្រតិបត្តិការនៃក្រុមហ៊ុន Talent Excellence Development Partner (TEDP) ។ ក្នុងនាមជាប្រធានសេវាកម្មជ្រើសរើសបុគ្គលិកគឹមស្រ៊ទទួលខុសត្រូវនៅលើការគាំនិងពិគ្រោះយោបល់ទៅលើការរៀបចំផែនការជ្រើសរើសបុគ្គលិក និងវគ្គណែនាំតម្រង់ទិស។ លក្ខណៈពិសេសនៃការជ្រើសរើសបុគ្គលិករបស់អ្នកនាង គឺផ្ដោតសំខាន់ទៅលើអាកប្បកិរិយា និងជំនាញជាទីពេញចិត្ត ដោយប្រើប្រាស់ប្រព័ន្ធ Assessment Tools ដែលអាចឲ្យអ្នកនាងរកឃើញនូវសក្កដានុពលរបស់បេក្ខជន។ ទន្ទឹមនឹងនេះ អ្នកនាងក៏ជាអ្នកដឹកនាំក្នុងការបង្កើត Support Team ក្នុងការជួយគាំទ្រដល់ដំណើរការអាជីវកម្ម​ដូចជា Marking Material និងការផ្សព្វផ្សាយតាមប្រព័ន្ធអីុនធ័រណេត។ គឹម ស្រ៊ ក៏ធ្លាប់ជាជំនួយការប្រធានគ្រប់គ្រងទូទៅនៃក្រុមហ៊ុនផ្សព្វផ្សាយ និងបោះពុម្ពអស់រយៈពេល 4 ឆ្នាំហើយ អ្នកនាងទទួលខុសត្រូវលើការចុះបញ្ជីគណនេយ្យ អ្នកគិតលុយ អ្នករៀបចំការបង់ពន្ធប្រចាំខែ គ្រប់គ្រងផ្នែកផលិតផល និងសេវាកម្មអតិថិជន។ គឹម ស្រ៊ បានទទួលបរិញ្ញាបត្រគណនេយ្យនៅវិទ្យាស្ថានវ៉ាន់ដា។ "គ្មានអ្វីល្អទាំងអស់នោះទេ បើយើងមិនតស៊ូធ្វើវា"

លោក អ៊ិត សូណា

ដៃគូគ្រប់គ្រងអាជីវកម្ម (MP) និងជាគ្រូបណ្តុះបណ្តាល ក្រុមហ៊ុនថេឡឹន អ៊ិចសឹឡិនស៍ ឌីវេឡុបម៉ិន ផាតនើរ ឯ.ក (TEDP)

---

បច្ចុប្បន្នជាគ្រូបណ្តុះបណ្តាល និងជាដៃគូគ្រប់គ្រងអាជីវកម្ម (Managing Partner) ក្នុងក្រុមហ៊ុន TEDP។ - ការសិក្សា៖ (២០០៨) បញ្ចប់អនុបណ្ឌិតផ្នែកគ្រប់គ្រង នៅមហាវិទ្យាល័យបៀលប្រាយ -ការសិក្សាជំនាញ៖ លោកគ្រូទទួលបានការបណ្តុះបណ្តាលពីក្រុមហ៊ុន TEDP ជាគ្រូបង្វឹកជំនាញគ្រប់គ្រងសមិទ្ធកម្មការងារតាមប្រព័ន្ធខេភីអាយ (KPI) ជំនាញវិភាគអាកប្បកិរិយាដោយប្រើប្រាស់ DISC និងជំនាញបង្វឹកក្នុងការរៀបចំប្រព័ន្ធគ្រប់គ្រងធនធានមនុស្សព្រមទាំងទទួលបានវិញ្ញាបនបត្របញ្ជាក់ត្រឹមត្រូវ។ - បទពិសោធន៍១៥ឆ្នាំ៖ ជាបុគ្គលិកនៃធនាគាអេស៊ីលីដាពាក់ព័ន្ធនឹងហិរញ្ញប្បទានពាណិជ្ជកម្ម និងទីផ្សារក្នុងតួនាទីជា Assistance vice president of branch trade finance (AVP of BTF) - បទពិសោធន៍១៤ឆ្នាំ៖ ជាស្ថាបនិកហាងផ្គត់ផ្គង់គ្រឿងសមុត្រ (Golden sea Seafood Supply) ។ - បទពិសោធន៍៧ឆ្នាំ៖ ជាសមាជិកគ្រូបង្គោលនៅធនាគារអេស៊ីលីដា រហូតដល់ឆ្នាំ២០១៥ - សកម្មភាពផ្សេងៗក្នុងសង្គម៖ ដូចជា - President of BNI master Chapter 2019, - Business director of JCI chaktomuk 2020 - BOD of CREA real-estate association 2021

កញ្ញា ស៊ន សុផល

ប្រធានផ្នែកប្រតិបត្តិការ និងជាគ្រូបណ្តុះបណ្តាល, ក្រុមហ៊ុនថេឡឹន អ៊ិចសឹឡិនស៍ ឌីវេឡុបម៉ិន ផាតនើរ ឯ.ក (TEDP)

---

កញ្ញា ស៊ន សុផល បច្ចុប្បន្នជាប្រធានផ្នែកប្រតិបត្តិការ និងជាគ្រូបណ្តុះបណ្តាលលើជំនាញគ្រប់គ្រងសមិទ្ធកម្មការងារតាមប្រព័ន្ធខេភីអាយ (KPI) និងជាគ្រូបង្វឹកក្នុងការរៀបចំប្រព័ន្ធគ្រប់គ្រងធនធានមនុស្សនៅក្នុងក្រុមហ៊ុនថេឡឹន អ៊ិចសឹឡិនស៍ ឌីវេឡុបម៉ិន ផាតនើរ ឯ.ក (TEDP)។ ការសិក្សា៖ (២០១៦) បានបញ្ចប់បរិញ្ញាបត្រជំនាញវិទ្យាសាស្រ្តជលផលនៃសាកលវិទ្យាល័យភូមិន្ទកសិកម្ម ការសិក្សាជំនាញ៖ ទទួលបានការបណ្តុះបណ្តាលពីក្រុមហ៊ុន TEDP ជាគ្រូបង្វឹកជំនាញគ្រប់គ្រងសមិទ្ធកម្មការងារតាមប្រព័ន្ធខេភីអាយ (KPI) ជំនាញវិភាគអាកប្បកិរិយាដោយប្រើប្រាស់ DISC និងជំនាញបង្វឹកក្នុងការរៀបចំប្រព័ន្ធគ្រប់គ្រងធនធានមនុស្ស។ បទពិសោធន៍៥ឆ្នាំ នៃប្រវត្តិការងារលើការអនុវត្តផ្ទាល់ក្នុងផ្នែករៀបចំប្រព័ន្ធគ្រប់គ្រងធនធានមនុស្ស និង KPI សម្រាប់ម្ចាស់អាជីវកម្ម៖ ចាប់ផ្តើមពីតួនាទីជាជំនួយការរដ្ឋបាល បន្ទាប់មកឡើងតួនាទីជា HRBP និងទទួលបានការឡើងតំណែងជា Senior HRBP បន្ទាប់មកទៀតក្នុងឆ្នាំ២០២១កញ្ញាទទួលបានការដំឡើងតំណែងជាប្រធានក្រុមគ្រប់គ្រង គម្រោង។ ដៃគូសហការក្នុងគម្រោងដែលកញ្ញាធ្លាប់បានគ្រប់គ្រងរួមមាន គ្រឹះស្ថានមីក្រូហិរញ្ញវត្ថុ ក្រុមហ៊ុនអចលនទ្រព្យ ក្រុមហ៊ុនដឹកជញ្ជូន ហាងកាហ្វេ សេវាកម្មអាពាហ៍ពិពាហ៍/បុណ្យ ម្ហូបអាហារ ក្រុមហ៊ុនលក់ឡាន ម៉ូតូ និងលក់គ្រឿងបន្លាស់។ ក្នុងឆ្នាំ២០២៣៖ ជាគ្រូបណ្តុះបណ្តាល និងជាប្រធានផ្នែកសិក្សាធិកានៃមជ្ឈមណ្ឌល CamKPI ។

អ្នកស្រី ថន សាំងយី

ប្រធានក្រុមគ្រប់គ្រងគម្រោង និងជាគ្រូបណ្តុះបណ្តាល, ក្រុមហ៊ុនថេឡឹន អ៊ិចសឹឡិនស៍ ឌីវេឡុបម៉ិន ផាតនើរ ឯ.ក (TEDP)

---

អ្នកស្រី ថន សាំងយី បច្ចុប្បន្នជាប្រធានក្រុមគ្រប់គ្រងគម្រោង និងជាគ្រូបណ្តុះបណ្តាលក្នុងក្រុមហ៊ុន TEDP។ ការសិក្សា៖ (បច្ចុប្បន្ន) កំពុងសិក្សាបរិញ្ញាបត្រគ្រប់គ្រង នៅសាកលវិទ្យាល័ជាតិគ្រប់គ្រង ការសិក្សាជំនាញ៖ ទទួលបានការបណ្តុះបណ្តាលពីក្រុមហ៊ុនថេឡឹន អ៊ិចសឹឡិនស៍ ឌីវេឡុបម៉ិន ផាតនើរ ឯ.ក (TEDP) ជាគ្រូបង្វឹកជំនាញគ្រប់គ្រងសមិទ្ធកម្មការងារតាមប្រព័ន្ធខេភីអាយ (KPI) ជំនាញវិភាគអាកប្បកិរិយាដោយប្រើប្រាស់ DISC និងជំនាញបង្វឹកក្នុងការរៀបចំប្រព័ន្ធគ្រប់គ្រងធនធានមនុស្ស។ - បទពិសោធន៍៥ឆ្នាំ នៃប្រវត្តិការងារលើការអនុវត្តផ្ទាល់ក្នុងផ្នែករៀបចំប្រព័ន្ធគ្រប់គ្រងធនធានមនុស្ស និង KPI សម្រាប់ម្ចាស់អាជីវកម្ម៖ ទៅលើការរៀបចំប្រព័ន្ធគ្រប់គ្រងធនធានមនុស្ស និង KPIs សម្រាប់ក្រុមហ៊ុនក្នុងស្រុកតូច និងមធ្យមជាច្រើនរួមមាន អចលនទ្រព្យ ដឹកជញ្ជូននាំចេញនាំចូល ភោជនីយដ្ឋាន កាហ្វេ មន្ទីរព្យាបាលធ្មេញ ហាងលក់គ្រឿងសមុទ្រ ក្រុមហ៊ុនលក់សម្ភារៈកសិកម្ម មន្ទីរពេទ្យ ... ។ អ្នកស្រីក៏ជាគ្រូបង្គោលក្នុងក្រុមហ៊ុនថេឡឹន អ៊ិចសឹឡិនស៍ ឌីវេឡុបម៉ិន ផាតនើរ ឯ.ក (TEDP) និងបានផ្តល់ការបណ្តុះបណ្តាលបុគ្គលិកខាងក្នុងជាច្រើននាក់។ ស្របគ្នានេះដែរអ្នកស្រីបានចែករំលែកចំណេះដឹងទៅកាន់បុគ្គលិករបស់ដៃគូអាជីវកម្មជាច្រើនក្រុមហ៊ុនដែលពាក់ព័ន្ធនឹងប្រព័ន្ធគ្រប់គ្រងធនធានមនុស្ស និង KPI។